ان الرذائل والفضائل ( الحاجات الحلوة والحاجات الوحشة ) قبل ما الاناسان يتخلق بفترة .. كانو بيطيرو كدة وبيروحو من قارة لقارة ...
جم فى يوم زهقو وملو فجالهم الابداع وهو فضيلة من الفضائل قالهم تعالو نلعب لعبة حلوة نسلى بيها نفسناسالوه نلعب ايه قالهم نلعب استغماية قالو ماشى قالهم خلاص كل واحد من الفضائل والرذائل يروح ويستخبى ونشوف حد مننا يطلعنا ...
اول واحد رفع ايده وقالك انا اللى استغمى الجنون وبداو اللعبة والجنون غمى عنيه.. والباقى بداو يستخبو.
الرقة استخبت على القمر .
الخيانة استخبت فى صفيحة الزبالة.
الكدب قال بصوت عالى اوى ( انا هستخبى ورا الحجر ده ) وراح استخبى فى قعر المحيط.
والحب استخبى فى شجرة ورد .
وابتدى الجنون يدور عليهم واحد واحد جاب الرقة والخيانة وبالنسبة للكسل فكان اول واحد يتمسك ^^ ..
ومش لاقى الحب قعد يقول فين الحب فين الحب راح الفتنة قال خلى بالك الحب مستخبى فى الشجرة اللى هناك دى .
الجنون راح ماسك حاجة زى شوكة كدة وفضل يضرب فى الشجرة بعزم ما فيه ضرب فى كل حتة فى الشجرة خرج الحب من شجرة الورد بس اعمى مش شايف .
الجنون اتضايق وقاله يانهار اسود اعمل ايه انا هحس بعقدة الذنب العمر كله .
الحب قاله خلاص لو عايز تكفر عن غلطتك تبقى انت دليلى .
وعشان كدة الحب بقى اعمى والجنون هو دليله