كليه الحقوق جامعة بنها

كل ما يخص كليه الحقوق جامعه بنها (الدراسه & الامتحانات & والنتائج )


    القانون الجنائى بين النظريات والتطبيق العملى

    شاطر

    تصويت

    هل يتم تطبيق القانون الجنائى عمليا كما تم دراسته نظريا

    [ 0 ]
    0% [0%] 
    [ 1 ]
    50% [50%] 
    [ 1 ]
    50% [50%] 

    مجموع عدد الأصوات: 2
    avatar
    ادهم صبرى
    حقوقى متميز
    حقوقى متميز

    عدد المساهمات : 743
    تاريخ التسجيل : 01/05/2009
    العمر : 36
    الموقع : كل الدنيا

    القانون الجنائى بين النظريات والتطبيق العملى

    مُساهمة من طرف ادهم صبرى في السبت مايو 16, 2009 10:48 am

    من وجهة نظرى البسيطة فان السلطة التنفيذية والقضائية لا تقوم بتطبيق قانون الاجراءات الجنائية ولا قانون العقوبات عمليا كما تم دراسته نظريا ولكن هناك بعض التجاوزات التى تصدر من السلطتين فى تنفيذ هذه القوانين .
    avatar
    eslam_halimo
    حقوقى نشيط
    حقوقى نشيط

    عدد المساهمات : 387
    تاريخ التسجيل : 28/07/2009
    العمر : 27

    رد: القانون الجنائى بين النظريات والتطبيق العملى

    مُساهمة من طرف eslam_halimo في الأربعاء يوليو 29, 2009 11:12 pm

    على رايك التجاوزات كتيرة بس هنعمل ايه
    avatar
    Admin
    Admin

    عدد المساهمات : 385
    تاريخ التسجيل : 08/04/2009
    العمر : 28

    رد: القانون الجنائى بين النظريات والتطبيق العملى

    مُساهمة من طرف Admin في الخميس يوليو 30, 2009 12:46 am

    المشكله مش هى
    هنعمل ايه
    المشكله هى هنعمل اللى احنا عايزينه ازاى ؟
    avatar
    hossam m hagag
    حقوقى مجتهد
    حقوقى مجتهد

    عدد المساهمات : 265
    تاريخ التسجيل : 30/07/2009
    العمر : 29
    الموقع : بنها

    رد: القانون الجنائى بين النظريات والتطبيق العملى

    مُساهمة من طرف hossam m hagag في الخميس يوليو 30, 2009 3:01 am

    التجاوزات بس مش موجوده فى القانون الجنائى دى موجود فى كل القوانين احنا عايشين فى قانون الغابة فى القوى الذى يمتللك السلطة يحرك الضغيف الذى لا يمتللك اى شى سوى العيش ( ماشى جنب الحيط) لما نيجى نتكلم مش نتكلم علىالركن النظرى القانون لازم نتكلم على الركن العملى لان الحياه عباره عى حركة وفعلى الحياه مش شى نظرى الحياه شى عملى
    avatar
    ادهم صبرى
    حقوقى متميز
    حقوقى متميز

    عدد المساهمات : 743
    تاريخ التسجيل : 01/05/2009
    العمر : 36
    الموقع : كل الدنيا

    رد: القانون الجنائى بين النظريات والتطبيق العملى

    مُساهمة من طرف ادهم صبرى في الخميس يوليو 30, 2009 8:36 am

    لست اقصد اننا نتبع قانون الغابة يا حسام ولكن قصدى ان هناك نسبة كبيرة من متقلدى السلطةلا ينفذون الاجراءات الجنائية المفروضة فى بعض الحالات كالتلبس والتفتيش والقبض والاستيقاف
    ولكن ذلك لا يمنع ان هناك من افراد السلطة التنفيذية يراعون الله فى عملهم.
    avatar
    general
    حقوقى جديد
    حقوقى جديد

    عدد المساهمات : 16
    تاريخ التسجيل : 28/07/2009

    رد: القانون الجنائى بين النظريات والتطبيق العملى

    مُساهمة من طرف general في الخميس يوليو 30, 2009 10:26 pm

    [b]انا هتكلم من واقع ان والدي شغال رئيس محكمه جنايات وهعرض وجهه نظري حولين مساله تجاوزات السلطه القضائيه ال بتتكلموا عنها الاول انا والدي رئيس محكمه جنايات وهو بدرجه رئيس استئناف هقولكوا ال بيحصل بالتفصيل الاول بعد اما رئيس محكمه الاستئناف بيوزع الشغل علي الدواير ورئيس الدايره بيوزع الشغل علي الاعضاء بيحل الاتي القضاه 3 انواع نوع مجتهد ونوع كسلان ونوع ضعيف النوع المجتهد بيبقي فعلا مخلص في عمله وبيقرا القضايا في البيت بتاعه لان القاضي الجنائي مش بيشتغل الا اسبوع بس في الشهر وسعات 3 ايام كمان لو الدايره رباعيه انا والدي بيجيله في الشهر حوالي 50 قضيه مثلا يقعد يقراء فيهم ويعمل مخلص عن ال قراه اي نعم انا باخد القضايا اقراها انا كمان بس ده مش موضوعنا بس هو بيكتب ملخص عن كل قضيه علي اول صفحه في صوره القضيه وبعدين كل واحد من اعضاء الدايره بيعمل نفس ال عمله والدي في نفس القضايا ويكتب ملخص وبعدين اما ييجي الدور بتاع الجنايات بتاعه بيروحوا كلهم في الاستراحه هناك ويقعدوا يتناقشوا في القضايا وكل واحد يقول وجهه نظره عن الملخص ال عمله وتكييفه للوقائع وطلباته والحكم ال عاوز يديه وطبعا انتو عارفين بيتاخد بالاغلبيه القرار بينهم المهم في طبعا للاسف قضاه مش بيخافوا ربنا للاسف يعني ف مبيقراش حاجه في بيته اصلا وبييجي يعول علي كلام عضو من الاعضاء ال هما جامدين في القانون او بيكون هو ضعيف اصلا ومش بيعرف يقول رايه هو المهم اما بيحصل ويقرروا حكم معين علي الجاني واحد بس هو ال بيسبب الحكم مش التلاته غالبا مثلا والدي اما بتكون الدايره بتاعته ضعيفه هو ال بياخد القضايا التقيله وبيسببها زي القتل والاختلاس والاستيلا وقضايا الاقتران والارتباط انا شوفت مستشارين صحاب والدي للاسف مش ليهم في اي حاجه حتي ممكن مش يقرا القضايا الا في الجلسه بس للاسف دول اصلا مش بيكون ليهم راي لان الراي بيكون لل هو ضليع في القانون اما دول لانهم مش قروا حاجه بيقي صعب انه يكون راي طبعا ده مش في كل الدواير بس ده هو التجاوز الوحيد ال ممكن يحصل غير كده مفيش انا عمري ما شوفت في حياتي والدي حاطط حد في دماغه ولا حتي حد من صحابه لان دي مسؤليه قدام ربنا طبعا وهم كبير جدا ووالله سعات ممكن يقعد في قضيه فتره طويله جدا يبحث ومش بيكل ولا يمل ولا يقول يا عم اعمل زي الناس ال بتشتري دماغها لان ربنا هيساله عن كل ده طبعا القضاه ال هما مش بيقروا حاجه دول عددهم قليل بس للاسف هما موجودين ومعظم اعضاء الدايره بيبقوا عارفينهم وبيطلبوا نقلهم اصلا لان ده هيعمل العبء علي باقي الاعضاء يارب تكونوا فهمتوا جزء من كلامي المعقد شويه عموما الحمد لله قليل اوي اما تلاقي تجاوزات لان ال بيعمل كده يبقي مش خايف من ربنا في الظلم انا والله والدي مثلا وفي قضاه كتير زيه عنده روح انه يقعد يتناقش في القضيه ولو طول اليوم عالفطار والغدا والعشا واول ما يصحي وقبل ما ينام طول الشهر كامل لحد اما ييجي يدي قرار فيها وطبعا في قضايا بتاخد سنين يعني وانا اقعد اناقشه وممكن يقتنع ب وجهه نظري وفي من نوعه ده كتيييييير جدا بس اهو القضاء زيها زي اي وظيفه تانيه فيها المخلص وفيها ال معندوش ضمير بس الحمد لله دول مش كتير في القضاء وربنا ال ب ايده صلاح الحال اسف طولت عليكو اخوكم محمد لسه مخلص رابعه حقوق بنها يعني دفعه 2009 بقا
    avatar
    ادهم صبرى
    حقوقى متميز
    حقوقى متميز

    عدد المساهمات : 743
    تاريخ التسجيل : 01/05/2009
    العمر : 36
    الموقع : كل الدنيا

    رد: القانون الجنائى بين النظريات والتطبيق العملى

    مُساهمة من طرف ادهم صبرى في الخميس يوليو 30, 2009 10:32 pm

    الله عليك يا جنرال اوجزت فانجزت
    avatar
    general
    حقوقى جديد
    حقوقى جديد

    عدد المساهمات : 16
    تاريخ التسجيل : 28/07/2009

    رد: القانون الجنائى بين النظريات والتطبيق العملى

    مُساهمة من طرف general في الخميس يوليو 30, 2009 10:36 pm

    ربنا يكرمك يا استاذ ادهم يال كل اما بشوف صورتك بحس انك عمرك ما بتكشر ابداااا ربنا يخلي ابتسامتك دي دايمه علطول يارب
    avatar
    ادهم صبرى
    حقوقى متميز
    حقوقى متميز

    عدد المساهمات : 743
    تاريخ التسجيل : 01/05/2009
    العمر : 36
    الموقع : كل الدنيا

    رد: القانون الجنائى بين النظريات والتطبيق العملى

    مُساهمة من طرف ادهم صبرى في الخميس يوليو 30, 2009 10:40 pm

    والله يا جنرال الحياة بتفرض علينا هموم ومشاكل كتير اوى

    بس الواحد معاكو لازم يبقى مبتسم على طول لانكم رجعتونى تانى عشر سنين لورا

    وعلى الرغم انى بروح الكلية كل فترة الا انكم عيشتونى تانى فى جو الطلبة

    ومسيرك هتتخرج باذن الله وهتقابل الحياة العملية وخد بنصيحتى اى مشكلة

    تقابلك ..

    ممكن تخلها بابتسامة
    avatar
    general
    حقوقى جديد
    حقوقى جديد

    عدد المساهمات : 16
    تاريخ التسجيل : 28/07/2009

    رد: القانون الجنائى بين النظريات والتطبيق العملى

    مُساهمة من طرف general في الخميس يوليو 30, 2009 10:46 pm

    انا الماشاكل شوفتها من اول ما بقيت اعرف ما بقيت اقراء القضايا ال والدي بيحكم فيها بس انا بحب مش بس اتعلم الشق القانوني بس وتحقيقات النيابه وبس ولا حتي مجرد الحكم ال هتتحكم بيه بحب اتامل النفس البشريه وهيا بتغلط بحب المس مواطن الخلل في اي مشكله احب اعرف ايه ال غير الانسان ده بعد اما ربنا خلقه علي الفطره السليمه وبحط من خلال الحالات الخاصه ال بشوفها في القضايا دي قواعد عامه في الحياه استفاد منها واحاول افيد غيري بيها ان كان في امكاني ___كمان انا الحمد لله اتخرجت خلاص ولا حضرتك تقصد اتخرجت يعني اتعين بقا عموما اهي الدنيا ياماا فيها والواحد طول ما عايش بيتعلم والذكي ال يتعلم من تجارب غيره مش يستني لحد ما يقع هو في المشكله وبعدها يقول انا اتعلمت خلااااااص
    avatar
    ادهم صبرى
    حقوقى متميز
    حقوقى متميز

    عدد المساهمات : 743
    تاريخ التسجيل : 01/05/2009
    العمر : 36
    الموقع : كل الدنيا

    رد: القانون الجنائى بين النظريات والتطبيق العملى

    مُساهمة من طرف ادهم صبرى في الخميس يوليو 30, 2009 10:50 pm

    برافو عليك يا جنرال

    وفعلا انا مكنتش اعرف انك اتخرجت خلاص

    ابدا بقى يا بطل معارك الحياة وقولى رايك ايه بعد سنتين

    ولا ساعتها هتكون مدير نيابة وهترفض تقابلنى ؟
    avatar
    general
    حقوقى جديد
    حقوقى جديد

    عدد المساهمات : 16
    تاريخ التسجيل : 28/07/2009

    رد: القانون الجنائى بين النظريات والتطبيق العملى

    مُساهمة من طرف general في الخميس يوليو 30, 2009 11:00 pm

    مدير نيابه بعد سنيتين علطول كده ليه مفيش حد غيري في النيابه ولا ايه كمان ليه ارفض اقابلك انا اخاف ابقي متكبر عشان المتكبرين ببيحشروا يوم القيامه امثال الذر وكل الناس بتدوس عليهم وانا والدي زرع فيها اني اكون مع الحق في اي مكان ومع اي حد مهما كان واكون ضد الظلم او المحسوبيه في اي مكان عشان كده والله والله انا كنت بزاكر جامد في الكليه واديني الحمد لله عشان اوصل ل تقدير جيد جدا والسابع عالدفعه رغم ان كان في ولاد مستشارين كتير اوي كانو مقضينها زي مهم عاوزين انا كنت بعمل كل ده عشان اما اتعين في النيابه مكونش خد فرصه حد غيري ويكون حرام عليا وعاوز ابقي اسمي اتعينت مش الناس تقول ده عشان والده مستشار وهو فاشل اتعين لا عشان انا مجتهد وتعبت وووصلت لل بتمانه والله والله اتمني الخير لكلل الناس ولاد مستشارين وغيرهم المهم الانسان ال يستحقها
    avatar
    ادهم صبرى
    حقوقى متميز
    حقوقى متميز

    عدد المساهمات : 743
    تاريخ التسجيل : 01/05/2009
    العمر : 36
    الموقع : كل الدنيا

    رد: القانون الجنائى بين النظريات والتطبيق العملى

    مُساهمة من طرف ادهم صبرى في الخميس يوليو 30, 2009 11:13 pm

    بجد يا جنرال انا بكيت من كلامك .... عارف ليه ؟

    لانى كنت اتمنى انى اقابلك فى دفعة 2001 بعد ما اتخرجت وكنت ال22 على دفعتى ولما حبيت اقدم فى خبراء وزارة العدل كان ترتيبى فى كشوف التعيين رقم 700 فرحت جدا انى هتعين فى الخبراء لانى هجيب حقوق ناس مظلومين من ناس ظالمين بس عارف لما وقفت قدام موظفة وزارة العدل المسؤولة عن الكشوف قالتلى ايه ؟
    قالتلى احنا بنعين 2 بس كل سنة ؟؟؟؟؟
    سالتها يعنى انا قدامى 350 سنة علشان اتعين ؟
    جاوبتنى باستهزاء .... ايوه
    فما كان منى الا انى ثرت فى وجهها ووجهت اللوم الى النظام والى وزارة العدل حتى خرج لى رئيس قسم الخبراء يهدى من ثورتى وادخلنى مكتبه وقال لى " يا ابنى انا مشفق عليك ولكن الاعلان ده كان معمول علشان اتنين بس يتعينوا واحد يبقى قريب كمال الشاذلى وواحد يبقى قريب وزير التجارة "
    قولتله كان من الاول يتعينوا من غير اعلان بدال ما تبهدلوا اولاد الناس معاكوا
    بصراحة الراجل اعتذرلى وانا خرجت اعتذرت للموظفة اللى عليت صوتى معاها لان ملهاش زنب عارف قالتلى ايه ؟
    قالتلى يا ابنى انا مفيش فى ايدى حاجة انا مجرد موظفة بنفذ الاوامر وبس
    مش معنى كده ان الشغل فى الخراء او النيابة او اى حتة بيخلص بالواسطة وبس
    لا انا يا ما شفت ناس اتعينو فى النيابة بمجهودهم وامانتهم وطموحهم القوى واكبر مثل على كده صديق عمرى / محمد بدر واتمنى انك تكون زيه لان بجد انا حاسس انك متربى كويس جدا
    ربنا يبارك فى والدك ووالدتك وذريتك
    avatar
    general
    حقوقى جديد
    حقوقى جديد

    عدد المساهمات : 16
    تاريخ التسجيل : 28/07/2009

    رد: القانون الجنائى بين النظريات والتطبيق العملى

    مُساهمة من طرف general في الخميس يوليو 30, 2009 11:41 pm

    اكيد ربنا مش هيضيعلك تعبك ابدا وان شاء الله هتلاقي خير واكتر ما تتمني كمان
    avatar
    قمرالمنتدى
    الملكه
    الملكه

    عدد المساهمات : 2489
    تاريخ التسجيل : 26/07/2009
    العمر : 26
    الموقع : بيتنا

    رد: القانون الجنائى بين النظريات والتطبيق العملى

    مُساهمة من طرف قمرالمنتدى في الجمعة يوليو 31, 2009 12:27 am

    الله الله الله
    استاذ ادهم والجنرال
    احنا بنتعلم منكم بجد

    ايوه كده قولولنا تجاربكم حلوها ومرها عشان نتعلم
    avatar
    hossam m hagag
    حقوقى مجتهد
    حقوقى مجتهد

    عدد المساهمات : 265
    تاريخ التسجيل : 30/07/2009
    العمر : 29
    الموقع : بنها

    رد: القانون الجنائى بين النظريات والتطبيق العملى

    مُساهمة من طرف hossam m hagag في الثلاثاء أغسطس 04, 2009 12:15 am

    اكيد بنتعلم
    avatar
    قمرالمنتدى
    الملكه
    الملكه

    عدد المساهمات : 2489
    تاريخ التسجيل : 26/07/2009
    العمر : 26
    الموقع : بيتنا

    رد: القانون الجنائى بين النظريات والتطبيق العملى

    مُساهمة من طرف قمرالمنتدى في الثلاثاء أغسطس 04, 2009 1:00 am

    وبنتعلم منك برده ياحسام

      الوقت/التاريخ الآن هو الجمعة يوليو 28, 2017 3:06 pm