حبيت قبل كده ؟

والله فكره جميله
وانا مش هنكسف ومش هخاف وهحكى حكايتى بصراحه
هيا طويله معلش
المهم
تدونى رايكم


اول الحكايه وانا فاولى اعدادى زميل ليا قالى مها ده *****بيحبك وبيقولك ممكن توافقى تكلميه
***** ده كان اكبر منى ب3 سنين بس ساعتها انا كنت صغيره اقعدت اعيط واقوله والله هقول لبابا والمدير
جه تانى قالى لا هو بيعتذرلك وبيقولك خلاص هو اسف
من ساعتها وانا بشوفه فالمدرسه والدروس
دخل ثانوى وانا كنت ف3 اعدادى ابتدا يجى بنفسه يكلمنى
ازيك عامله ايه
وطبعا كنت برد عليه وحش
ليه مش عارفه انا مش قبلاه اساسا ولا بطيقه
المهم السنين اهى عدت وكبرت وفاتت بالظبط 5 سنين
وانا متاكده انه بيحبنى كل تصرفاته اهتمامه بيا
كان واضح اوى للمدرسين وصحابى
مع فرق السن والدراسه كان بجى يسال عليا المدرسين

المهم انا سبحان الله عمرى ما ارتحتله بجد ممكن اطيق العما ومش اطيقه
مع انه معمليش حاجه بس هو كده قلبى مقفول من ناحيته

دخلت اولى جامعه وبقه هو فرابعه تجاره بنها
بقه يعرف مواعيد الجامعه ويقفلى على المحطه بالعربيه عشان اركب معاه
ومكنتش برضا
ابتدا يقرب من والدى يجى اى مناسبه عندنا
لحد ماكلمن وقالى انه جاى يتقدم ومامته واخته واخوه الصغير وخالته كلمونى
والده فالسعوديه وهو الكبير ووالده سايبله مكانه كويسه فالبلد
يعنى بدال العرربيه اتنين وفيلا حلوه اوى وفلوس كتير بجد
بس مكنش بنزلى من زورى
المهم اتقدم مع واحد قريبه بنيابه عن والده
على ماينزل اجازه وحصل قبول بس من غير خطوبه رسمى
طول المده دى لحد شهرين فاتو
كان بيكلمنى ويجبلى هدايا من غير مناسبه
كان قايدلى كله شمع عشان ارضا
كنت اقوله انا مش عارفه احبك يقولى مش مهم بكره هتحبينى كفايا ان حلم عمرى 6 سنين هيتحقق
بجد انا عمرى ماشفت حب كده
بيكلمنى فاليوم 4 ساعات بيبعتلى مسدج لو اتحرك من كانه
الصبح رساله صباح الخيروبالليل تصبحى علىخير
حاجات كتير اوى كان بيعملها عشان احبه

ولما كنت اقوله مش عارفه اتعامل معاك كان يعيط يصعب عليا وافضل ساكته
هو هايف اوى
مفيش فدماغه غير الفلوس وانه غنى
محسسنى انه هيشترنى
عربيه هديةالخطوبه شبكه 70 الف
قيمتك بمليون
لحد ماكنت بحس انى فازه هيشتريها
بجد ماعرفتش احبه ولا عمرى حسيت انى مرتحاله

وطبعا لحدمازهقت وقولتله ابعد عنى وخليت جوز عمتى يتصل بيه يقوله
بعتلى مسدج فيها منك لله
وحسبى الله ونعم الوكيل فيك
وعلى قدالنار الى فيا عشان بعدك
بدعى عليكى مادوقى طعم الفرح ولا تحبى ولا تنحبى

الرساله كانت بالظبط كده
ومن ساعتها وانا خايفه اكون ظلمته
ودعوته تستجاب بجد


انا مش عايزه غير انسان يحبنى واحبه بجد
نبدا سوا من الصفر لحد ما نوصل
المهم اكون مرتحاله

ودى بجد مشكلتى خايفه ملاقيش حب بجد بسبب دعوته
خايفه اكون ظلمته ودعوة المظلوم بتستجاب

اسفه جدااااااااا لصدعتكم

هذه القصة اخذت جائزه الدوله التقديرية وسيتم نشرها وتوزيعها على حسابى الخاص فعلا قصة تستحق القراءه

هههههههههههههههه
الله يخليك
المهم
حد يساعدنى
هو اناكده ظلماه

انا مش محتاجه انساه
انا فعلا عمرى ماحسيت بيه
ولا حتى فكرت فيه
ولا عمرى ضحكتله ولا قولتله كلمه يتعشم بيها
وفعلا انا متاكده مش هلاقى حد يحبنى زيه
بس برده
مش مرتحاله خالص
ولا عمرى فكرت فيه

وفعلا بدعيله ربنا يرزقه باحسن منى

المشكله انه مبيشوفش بنات غيرى
بقولك مجنون بجد



بس مينفاعنيش
كلامه كله عن الفلوس والهيافه
ده كان يتصلبيا يقولى صوتى حلو فالعده الجديده
فى هيافه اكتر من كده
يتصل يقولى اخرج ولا مخرجش النهارده
يقولى انام الساعه كام

كنت بعيط والله من كتر ما انا مش طيقاه

انا بقه خايفه
دعوته تستجاب

الف شكريا استاذ ادهم

انا كنت صريحه جداا
ومنكسفتش منكم

ياريت الكل يعمل كده
ويقول حكايته ومشكلته

المهم يا ريت اكون قدرت افيدك فى حاجة

ايوه طبعا
خلاص مش هكمل وانا حاسه بعقدة الذنب
المشكله انه لحد يومين فاتوه بيبعتلى والدته تانى
وسمعت انه دخل المستشفى اسبوع
نتيجه لرفضه الاكل
يعنى مامته جايه تقولى ارحميه
كل مانقوله على بنت نخطبهاله وتكون كويسه
يقولنا مينفعش اتجوز غيرها
بيرن عليا من ارقام كتير ولما بفتح الاقيه يعيط من غير كلام بقفل ع طول
والله هقولك حاجه بجد
كان بيقولى لما نتجوز هاخد رايك فكل حاجه وهو الى هيمشى
انما قدام الناس يبان انه قرارى ورايى

بذمتك ده راجل؟
ينفع اكمل حياتى معاه
وبصراحه بقه انا احلى منه بكتير
مش غرور
بس انا مش حاسه بيه حتى صديق مش حبيب


انما خلاص بقه
انا كده عرفت انى مش ظلماه يعنى مش هفكر انى شيله ذنبه

ممكن تدخلى علبة الشات يا قمر

انا حبيت مرة واحده بس بعد فترة اكتشفت انها ما تستهلش انى احبها فسبتها
وبعدت لغاية انى اهملت الموضوع ومبقاش فى دماغى لحد مالاقى بنت بحبها بجد لابعد حدود

صح ياحليمو
قولنا التفاصيل
عشان نعرف مين ظالم مين مظلوم كده

اللى انا حبتها بعد فترة لقيتها اتغيرت معايه ولما سئالتها قالتلى ان فى واحد متقدملها وهى مرحبة بالموضوع قولتلها مع السلامة بس ايه الكلام الكبير اللى كنتى بتقوليه اول ما عرفتك على العموم انا نسيتك من اللحظه دى وشكرا على الايام الحلوى
والموضوع شلته من دماغى

اسمحولى اقول راى بس اللى باعك بيعه والدنيا عمرها ما بتقف ع حد

طيب يا حليمو مش يمكن كانت بتقولك كده وهى قاصدة تعرف رد فعلك هيكون ايه يعنى بتشوفك من اول مشكلة هتسلم ولا تقف فى وش الريح

ايوه
كنت صبرت
مش يمكن كانت عايزه تشوف فعينك الغيره
عايزه تشوف اهميتها عندك
بتحبها ومتمسك بيها ولا لا

وطبعا انت اكتر واحد فينا تقدر تحكم
وع العموم بدال ربنا بعدك عنها
اعرف انها م نصيبك
وان ربنا كاتبلك دايما نصيب احسن

احسن انا كنت عرفت ومتاكد لما معملتها تغيرت وسالت فى الموضوع وعرفت ان الكلام صح
وبعد شوية اتخطبت فتاكدت

ايوه كده الموضوع وضح
وان شاء الله
الجاى احسن

يا رب يا مها ادعيلى كويس

يارب يارب يارب
يسعدك يا اسلام
ويحقق امانيك
ويرزقك بواحده تقدرك وتصونك وتحافظ عليك

باذن الله يا حليمو ربنا هيكرمك باللى تفهمك وتقدرك

ويا رب يسعدك ويديلك زوجة بنت حلال

بصى يا مها الشخص دة غير كلة ايلى قالة انة بيحبك ومن خمس سنين وهو بيجرى وراكى علشان بيحبك
الانسان ايلى بيحب حد بجد بيحبة علشان هو دة الشخص ايلى عاوزة يعيش معاة طول عمرة ويعمل على قد ما يقدر علشان يخلية اسعد انسان فى الدنيا بس هو مش عمل كدة هو كدة كان عاوز يخلى نفسة سعيد ومش فى دماغة الشخص ايلى بيحبة دة راضى بالحب دة ولا لا والانسان ايلى يفكر فى نفسة بس مش هيعرف يعيش قصة حب حقيقة
وفى دليل تانى انى لو حبيت حد وهى مش حبتنى او زى ما حصل معاكى روحت وكلمت بابها عليها وبعد كدة مش حصل نصيب لانها مش هتقدر تكمل معايا انا بكل بصراحة اتمنلها كل سعادة وانها تعيش حياة هى ترضها
علشان هى لما تكون سعيدة انا هكون سعيد انا كمان مع ان دة هيكون صعب عليا بس علشان بحبها لازم استحمل
متخفيش بخصوص انك تكونى ظلمتية لانك مش كنتى قادرة تكملى معاة بس انتى حاولتى وفكرتى فية لكن هو مش فكر فيكى وفى انك تكونى سعيدة
وعلشان الدعوة ايلى قالها دى هو مش مظلوم علشان ربنا يسجبها هو انسان انانى مش بيفكر غير فى نفسة
ويارب تكونى اتعلمتى من التجربة دى انك متعمليش حاجة غصب عنك لانك لو كنتى كملتى معاة انتى شوفتى هو من اول ما صدمتية عمل اية
معلش طولت عليكى بس انا حبيت اقول رائى بصراحة

طبعا رايك على عينى وراسى
ومرسى لاهتمامك ومشاركتك معانا
وكلامك بجد ريحنى اكتر
كويس انى مش ظلما ويارب ربنا يسعده
ويسعدك ويسعدنى ويسعدنا كلنا

يارب يسعدنا كلنا
وانتى عيشى حياتك الدنيا مش بتقف على حد
وزى ما قابلتى الوحش فى يوم من الايام هتقبلى انسان تحبية ويحبك وتعيشى احلى ايام حياتك وتعرفى ان الدنيا مش وقفت عندة او من دعوة هو دعاها ربنا هيسجبها منة وانتى المظلمة مش هو

ان شاء الله
ربنا يخليك لذوقك

ع فكرا يا مها انا حاسه بيكى اوى لان نفس الموضوع ده حصل معايا ومش من فتره
وكنت حاسه انى شريره ومن غير احساس

انا بقي حبيت و ياريتني ما حبيت
و اعدت 5 سنين معاها و بعديها لاقيتها انسانة تافهة بتتخانق معايا علي اقل حاجة ممكن تحصل مثلا لو واحدة قالتلها انا النهاردة شوفت محمد ماشي في الشارع
نهاري ازرق ازاي تسبها تشوفك ماشي ففي الشارع و كدة بقي
اتخنقت اتخنقت اتخنقت
سبتها و قررت اني ماحبش تاني و اوفر الحب دة للأنسانة العظيمة اللي هاتستاهلو ان شاء الله
زوجتي

الحب عمره ما كان بيخنق
وربنا يعودك بانسانه احسن منها وتقدر تفهمك وتسعدك ياااارب

شكرا يا حليمو

تمام كلامك يا استاذ ادهم
وانا ياما قولتله بس الى فدماغه فدماغه

قمر انا بحسدك ونفسي اخود قرار زيك

بجد انت صح ف حاجات كتير

يا ياسمين من غير احراج

انتى عندك كام سنة ؟ وتقدرى تفكرى بعقلك ولا لا ؟ طيب وانتى معاه بتحسى انه بجد بيحبك وصادق فى حبه ؟

لو حاسة بكده متسمعيش اى حد يقولك ان انتى حلم بعيد عليه او انه عاوز يتجوزك علشان فلوسك او باقى الكلام اللى زى ده

طيب يا ياسمينه ياقمر انتى
بقالك اربع سنين معاه

اكيد بتحبيه والله

حتى لو مكنتيش بتحبيه فالاول اكيد مرت عليكم ايام كتير العشره تخليكى تحبيه

بس طول المده دى هو محاولش يتقدم لاهلك؟ ولو حصل كان رد فعلهم ايه

وانتى بتقولى انك هتتخطبيله عشان تسعديه
طيب هما اهلك هيقبلو

اكيد انتى عارفه اكتر مننا

هتبقى قد الفراق

باذن الله مش هيبقى فيه فراق ولو هو اللى كان معاكى فى الصورة صدقينى انا حاسس انه طيب اوى وحبك لشخصك مش لحاجة تانية وانتى اكيد تعرفى اكتر منى زى ما قالت قمر الليل وكل ليل

لا مش هو اللي كان معايا ده ابن خالي

انا عندي 21 سنه واكيد اقدر اميز بين الحب والتعود بجد انا احساسي بيه مختلط اكيد بحبه يا ادهم اكيد بخاف عليه اكيد بغير بس من كتر حبو مش بيخليني احس اني بحبه

ما انا قولتلك يا ياسمين

جميل اننا نلاقى قلب نحبه بس الاجمل اننا نلاقى قلب يحبنا

هو احنا ليه بنخاف دايما لما نلاقى حد بيحبنا اوى ويمكن بيحبنا لدرجة الجنون
ليه ؟

فكرى يا ياسمين وهقولك على حاجة تعمليها علشان تتاكدى من حبه اذا كان بجد ولا لا

ادهم انا ولا لحظه شكيت ف حبه ليا يمكن بثق ف حبه اكتر ما بثق ف نفسي

ده ايميلى لو عاوزة تتكلمى اكتر

ولو هتتحرجى تدخلى على الميل مفيش مشكلة

salahbahlol@yahoo.com