تعالوا نعرف بعض

يعنى انت شايف انة صح؟

لا انا ماعرفوش بس هو اسلوبة انا شايف انو مش كويس خاااالص بس ممكن يكون دة اصي ما عندو من الصح

على العموم الشربينى باشا قام بالواجب وطردة من المنتدى

يا عمي منتا عارف ان حقوق بتلم المعتوهين اللي المجموع سايقهم بالأضفة للشخصيات المحترمة اللي بتتظلم فوسطيهم

اة واللة عندك حق فى حكاية المجموع دى احنا معانا ناس جايبة 60%

لكن الادب والزوق مالهوش دعوة بالمجموع

على فكرة يا مصطفى المجموع ملوش ذنب لان انا واحد من الناس كنت جايب 64.5%

اللى بيفرق هو البيئة والنشاة من الصغر

ومع زلك يا جماعة كل سنة وانتم طيبين لازم نسامح ونعفو عن غيرنا حتى لو غلط

فينا علشان يتعلم انه ميغلطش تانى

ولا ايه ؟

ماهو دة اللى انا بقولة ان المجموع مالهوش دعوة بالادب والزوق

وعلى العموم اهة واحد وانطرد وخلاص

عيب يا جماعه اللي انتو بتقولو ده وحرام التحامل عليه كلكو قبل متعرفو وجهة نظرو ليه تفرضو سوء النيه يا محمد انت ومحمود مش يمكن لو فرضتو حسن النيه ان هو قصدو ان مها بنت وهتتشغل اكيد ف اول رمضان بالمحشي اللي المصرين مشهورين بيه ف اول رمضان وبعدين واضح جدا انو كان بيهظر ومع احترامي ليك يا محمد انت ومحمود وانتو عارفين اني بعزكو كاصدقائي انكو بالغتو ف ردة فعلكو وكان ممكن تتحل ببساطه بينكو انتو كاولاد لو كان اصلا الولد غلط والموضوع مباش مها وعبدالعزيز لكت باه محمد ومحمود

اولا الموضوع اتقفل خلاص ومحدش يفتحه تانى
الاخ/عبدالعزيز
حذرته مره واتنين وتلاته
وقدامكم اخد الموضوع تريقه واخد الكلام ع انى بهزر
وميعرفش انى كنت بتكلم جد

ودلوقت هو اطرد خلاص وعضويته اتوقفت
واى حد هيغلط فاى حد فالمنتدى سواء مشرف او عضو
هتتوقف عضويته

وانا لو غلطت فحد فيكم

قدمو طلب لوقف عضويتى
بس كل واحد بيحترم نفسه الناس بتحترمه
والحمدلله

مع احترامي ليكي يا قمر انتي كان لازم تخلي الموضوع ميوسعش بصفتك مشرفه مش كذا واحد يتخانق ويجرحو ف الولد وبجد انا معرفوش اكتر من صداقه نت بس حطيط نفسي مكانه وقولت لو انا غلط غصب عني ومحدش فهمني براحه ومثلا طردتوني ومش دي المشكله المشكله انكو بتتكلمو عليا كلكو وحش وكل اللي داخل يعرف اني وحشه من غير ما يفهم

و ع العموم يا قمر انا اسفه ليكي بتدخلي اللي واضح من كلامك انو مش مقبول ووصلني الاوردر بتاعك ان محدش يفتح الموضوع ده تاني وشكرا جدا لحسن استماعك بس انا عايزه اوضحلك شئ انا كان ممكن اكلمك ميل بس انا حبيت كلامي يوصل للكل بان محدش يزم ف حد ومحدش يشمت ف حد او يقلل منو حتي لو كان الانسان ده غلط

وااكدلك انو كان اكتر واحد محتاجلوكو اوي عارفه اللي زي واحد بيطلب منك حاجه وانتي ردتي واكبر دليل ف كلامي انو دخل المنتدي لانو عايزكو ومشكلته البسيطه انو مش بيعرف يوظف طريقة كلامو او اسلوبو عارفه يا مها احنا ماشيين ورا قوانين بدون انسانيات هقولك ع حاجه ممكن تكون فكره حلوه اوي للمنتدي وانتي اول واحده تقدري تفيدي الكل بيها لان بجد اسلوبك انا احترت فيه بالنسبه لسنك ماشاء الله متفتحه جدا انك تعملي جلسة تخاطب ودي حاجه انا كنت متعوده عليها ف دراستي ف السعوديه انك تكتبي عن موضوع لكل فعل رد فعل انك تتكلمي عن اي موقف حياتي وتردي عليه بحسن نيه وكل اللي بيقابل اي مشكله ف اسلوب كلامه يتكلم معاكي يعني مثلا في ناس دبش ف كلامهم لو تفتكري حنان ترك ف فيلم حب البنات انتي ف ايدك تصلحي اللي قدامك وارجو انك متكونيش زعلتي من كلامي

انا مزعلتش منك والله انتى ياسمين عارفه الصداقه بنا عامله ازاى وعارفه اننا نتكلم براحتنا سوا لو انتى الى قولتلى كده مش هزعل بس مش تيجى من ولد ومعرفوش

بصى ده اول مادخل
لاقنى بنت قدامه راح باعت رسايل خاصه عايز يتعرف وايميل وحاجات كده
قولتله الايميل لا بقيت فنظره واحده مغروره وشايفه نفسى على الكل
وده قالهولى فالرسايل الخاصه ملاقاش جدوى معايا
رايح يقل ادبه معايا هنا ويغلط فيا


انتى شوفى ردوده كلها سيبك من حتة المحشى دى
شوفى باقى الردودمش ذنبى انه مبيعرفش يتكلم

انا اصغر منه بسنه
بس بعرف اتكلم كويس
مع الصغير ومع الكبير

واى حد عاقل فاهم مثقف جامعى بيعرف يتعامل مع الانسان الى قدامه
ولو انا وحشه
كان زمانى معملتش صدقات كويسه جداا
شوفى مين بيشارك كل يوم
كل الناس الى بتشارك فالمنتدى صحاب واخوات
وبنهزر سوا وبنكى لبعض اى حاجه

بس هو الى دخل دخله غلط
وانا حذرته الاول قبل ما يتوقف
والله حذرته اى منتدى الفوانين فيه
الى يعمل شغب
يبقه انذار وبعدين لو استمر يبقه وقف 3 ايام
لو استمر يبقه وقف نهائى

وهو حسبنى بضحك واتريق وقال كلام لو انتى مش هتستحمليه يا ياسمينه
وكمان قاله كده ع مسمع الناس كلهم

اظن محمد الشربينى حذف ردوده الىكان فيها كلام مش كويس
بس لوكنتى شوفتيها كنتى هتغيرى رايك
لانه بجد قالى كلام مش كويس
والحمدلله كنا بعد الفطار ومحدش كان لسه موجود غير الشربينى وانا ومحمود

ولو حب يدخل تانى ممكن يعمل تسجيل جديد
وهنعرف انه هو برده

يعنى انا منتظره منه اى رد فعل
لان كل اناء ينضح بما هو فيه

وانا معاكي بس هو يمكن صعب عليا لان كلو بيزم فيه وشمتان فيه خلاص طردتوه منتكلمش باه عليه وانا يا مها بجد والله بحترمك جدا بالرغم من اني اكبر منك سنا بس بحسك بتقدري تحتوي الكل

يا جماعة حصل خير و رمضان كريم و خلاويص بقي
فكلرو في حاجة جديدة نميز بيها المنتدي بتاعنا

انا متشكر جدا يا جماعة علي تكريمكم ليا و منحكم ليا شرف الإشراف علي المنتدي بجانب اخواني الأعزاء

خلاص يا جماعه

حصل خير

وشكر خاص ليك يا شربينى

اولا انا احب اقولكم كل سنه والكل بخير علشان شهر الغفران والتسامح
احب اشكر طبعا الاداره على الموقف اللى اتخذته مع العضو ده
بس يا جماعه احنا بكترالكلام على الموضوع ده بندي للعضو ده اهميه خلاص اللى الاداره شايفه صح عملتوا ياريت بقى مانبعدش عن رساله المنتدى الاساسية
وكل سنه وانتم بخير

بجد انا زعلان من محمد اللى بيقول ان حقوق بتلم اللى جايبين مجموع قليل
احنا اكتر ناس المفروض منقولش الكلام ده
وعلى فكرة انا داخل حقوق وجايب 95% وبابا مش مستشار بس علشان انا ف أحسن كلية ف مصر من وجهه نظرى
احنا دفعتنا فيها 9 من ال10 الأوائل ف الثانوية من مدرستنا والحمد لله انا منهم
وعلشان نمسح الصورة دى من عند الناس اللى مش ف حقوق لازم ماتبقاش عندنا أصلا
معلش اسف على الإطاااااااااااله

يا عمي انا جايب 67 % بس انا بتكلم علي الناس اللي اخلاقها مش كويسة اللي بتوه في وسط الناس الكتير اللي مش كويسة و لو بردو كلامي مش قادر تقتنع بية
انا اسف جدا ليك و لكل الأعضاء
سامحني

اناطبعا ماقدرش ازعل منك بس فى ناس كتير تقول كده وانا بتضايق من كده والله بس مش اكتر
وكل سنه وانت طيب ... وسنه سعيده عليك ان شاء الله .... والسنه الجاية نشوفك ف اى مدرج

السنادي بقي حرام عليك دة كلها شهر
انما السنة الجاية دي هاكون خلاص بأشر بصل هنا في بيتنا
هههههههههههههه

ربنا يفوققكم جميعا وشكر خاص للداره المنتدى وكل عام وانتم بخير

الشكر لله يا جميل و احنا تحت امرك في اي حاجةة تاحتاجها

من غير زعل معروف ان الى بيدخل حقوق بيدخلها علشان مجموعة مجبش غيرها والى بيدخلها ب90 او اكتر علشان عندة وسطة هتعينة فى النيابه

ياسلام عليك يا ابو تريكة
تسلملي دماغك يابني

ممكن الواحد يدخل الحقوق ويحبها بعد كدة بس الى بيدخلها بيدخلها علشان مجموعة جبرة عليها انا اعرف ناس فى حقوق عمرى ماقلبت واحد فالى انه بيحبه

انا منهم

انا اخويا خريج حقوق 2008 ومقدم فى جميع انواع النيابات بس مفيش وسطة يبقى مش هيدخلها ومصيرة هيكون محامى والمحامين بقوا اكتر من المجرمين والموكلين

هههههههههههههههههههههههههههه
يا عم كن متفائل

ماشى
بس مرة محامى كبير عندنا فى بركة السبع قال الشغلانة دى كلها على بض حرام اشرف واحد فينا الى بيتقى ربنا يعنى حرامى برضوة مهو لاازم يكون كدة علشان ياخد فلوس من الموكلين

هههههههههههههه برنس اية الجديد
دي شغلانة النصابين

وانت ناوى تكون نصاب بعد التخرج ولا ايه

اية ياحودة رحت فين

يا عمي محمد مش محمود و بعدين انا نفسي اسافر
امريكا او المانيا

اسف ياباشا ربنا يوفقك وتحقق حلمك وتقول انى راحل يامصر

ههههههههههههههههه

تعرف حد من الفرقة الرابعة الى اتخرجت السنة دى

اه
كتير بس مش في المنتدي

تعرف حد من كفر الزيات

ابو تريكه مجبش امبارح جون ينفع كده يجماعه لاازم يتعاقب ههههههههههههه

ههههههههههههة عندك حق والعقاب انى افطر على حسابك النهاردة

لالالالالالالالا مش للدرجه دى
هههههههههههه انا تحت امرك فى اى وقت والله بس انتا تشرفنى وانا والله اشيلك على راسى

uote="محمود محمد زايد"]ابو تريكه مجبش امبارح جون ينفع كده يجماعه لاازم يتعاقب ههههههههههههه[/quote]
يا اخوانا ابو تريكة دة من الشخصيات المحترمة اللي اناس كلها متقدرشي تغلطوا في حرف او ايي فعل بيعملو
ربنا يباركلو

تسلم ياباشا انت الى فوق راسى بس اوع ترجع فى العزومة ليتقال عليك منوفى

لا والله انا بهزر انا اساسا اهلاوى وبحب ابو تريكه اوى