هل حب النت حقيقه ؟؟؟؟؟؟؟!!!

من وجهة نظرى ان حب النت مش شىء مستحيل ولكن صعب وجوده ايه المانع ان اتنين يتكلموا ويشوفوا بعض ويكون فى ارتياح نفسى بينهم ساعتها يكون فى حب نت بس المشكله ان فى مجتمعتنا مش معترف بيه مع ان حصل معايا ان مجموعه من اصحابى حبوا بعض على النت ودلوقتى هم فى فترة الخطوبه ربنا يهديهم
مستنى اراءكم

انت مش عارف نصيبك فين ومين وامتى وازاى
بمعنى احنا ممكن نقابل حد فالشارع فالجامعه فمحطة القطر
فقسم البوليس فالمصيف عندالجيران فاى مكان وممكن نحبه ونرتبط بيه
هو النت برده مش مكان؟؟؟؟؟؟؟؟

فيها ايه لو قابلت حد ع النت وارتحتله وحبيته ؟
مش يمكن ده نصيبك
انا اعرف اتنين حاليا متجوزين ومعاهم بيبى زى القمر ماشاء الله
والحياه بينهم بمبى مبحسدش طبعا
وكان تعرفهم ع النت وهو نزل قابل والدها واتفقوا واتجوزه

وغيرهم كتيرررررر
مش مهم تقول نت يالهوى لا عيب يبقه بنت مش محترمه
هيا دخلت النت من وره اهلها؟؟؟

وى ماهى دخلت نت ما انت دخلت النت؟
المهم يكون الاستخدام صح والعلاقه بينهم صح
فالنور والكل عارف
مبيغلطوش سوا ولا يغضبوه ربنا

وطبعا دى وجهات نظر
وكل واحد ليه حرية التفكير

الله عليكى يا مها اهى دى الاجابات الصح

لان ده هو الواقع فعلا
انما فيه ناس
تقول
لا حب النت ده وهم وكدب
واخره مشاكل
لا طبعا والله ده بيرجع لشخصية الولد والبنت

الله عليكى يا موهاااااااااا اهى دى البنات يا جماعه كده انتى فى التمام بس لما يكون بجد يا مها

ايوه مظبوط
وعلى فكره انت جبت منين
موها
ده مش كتير بيقولى عليها
انما دى فعلا بيقولوهالى كتير حبايبى

ههههههههههه مهو من القلب للقلب messenger ههههههههههههه بس الجديد

ههههههههههههههه
حلو اوى ماسنجر دى

بس فيه اهالى كتير مبتعترفش بيه
او بمعنا اصح بترفضوا خالص

والله يا هدير مش اهلى اللى هيتجوزا ولا هم اللى هيحبوا دى ارادتى انا ورغبتى فى شريكة حياتى يبقى محدش له كلمه فى الموضوع غيرى انا

الولد غير البنت ياعبدو الولد مش محتاج حد يبقى وكيله فى عقد الجواز انما البنت لازم يكونلها وكيل ومفتكرش انى هبقى وكيلك غير لو اقنعتنى على العريس

ولازم برده نعترف ان ساعات البنت بتبقى مخدوعة فى حبها والاهل بخبرتهم بيشوفو ده وساعات العكس
فيبقى الموضوع لازم يحصل فيه نقاش واقناع لو ده حصل وكانت النتيجة موافقة صدقنى كدة الجواز هيبقى تمام

انت شايف انك انت اللى هتتجوز مش هما
لما احنا مبناخدش رايهم فى مستقبلنا وحياتنا طب هما استفادو ايه لما خلفونا وربونا ووصلونا للسن اللى بنفكر فيه اننا نتجوز

ازاى هترتبط ببنت عارضت اهلها عشانك
فيه ناس بتفتكرها ميزة ان البنت باعت الدنيا كلها عشانى
بس اللى ملوش خير فى اهله ملوش خير فى حد يا جميل
البنت او الولد اللى عاشو فوق ال عشرين سنة مع اهلهم وفى الاخر يقولو القرار قرارى ملكوش دعوة
طيب ده جوزك او مراتك انت لسة هتبداو اول يوم

مفيش مانع انك تحب على النت الحب محدش يعرف امتى بييجى ولا ليه حتى
بس المهم ان الحب ده بيبقى سعادة ليا وليك وليها ولامى وامك واهالينا
اقنعهم برايك
الحكم اللى بيحكم لازم يكون وسيط عشان يحكم صح انت متنفعش تبقى حكم فى موضوع يخصك لانك اكيد شايف نفسك صح
انما الاهل بيحبوك وفى نفس الوقت يعتبرو وسيط لانهم مش فى غيبوبة الحب

O.o tawelt fy el kalam awy r3'ay ana ha ^^

حتى فالمصيف نايم
يارررررراجل




لا طبعا انا مع هدير ان الاهل بيقفوا عقبه
وطبعا حكاية ان البنت تجمد وتقفلهوم لو بتحب
لا ده فالافلام وبس

صباح الخير

صباح الفل

واخدة عنى فكرة غلط اوى ياقمر )
انا شقى جدا على فكرة وبتنطط وبهرج


مختلفناش منا بقول ان لازم الاهل يكون ليهم دور وبالتالى رفضهم هيبقى اكيد عقبة لاننا مينفعش اننا نعارضهم
بس ساعات بيبقى رايهم صح بنسبة كبيرة وساعات بيبقى غلط مهم مش ملايكة بس صدقينى الحب بيعمى الحبيب والحبيبة عن الصفات الوحشة اللى فى حبيبه وعشان كدة الناس اللى برة بتشوف من بعيد صح بنسبة كبيرة مش دايما اكيد

اختلف معك فى الراى ولكن على استعداد ان اموت للدفاع عن رايك

الموقف ده حصل مع واحده اعرفها بعد محبت واحد اوى سبوا بعض عشان اهلها رفضينو عشان معرفة نت

اولا انا احيى البنت دى جدا جدا انها قدرت تسيطر على مشاعرها حتى لو غصب عنها وقدرت تسيبو ومتعارضش اهلها
بس زى مقلتلك ساعات الاهل بيبقى رايهم مش صح لانهم مش ملايكة بس لازم نسمع كلامهم وفى النهاية نصيب ولو كانو لبعض اهلها هما اللى هيروحو يتقدمولو كمان ^^

هيا اساسا كات بتموت
حولت تموت نفسها مرتين

ودلوقتى حيتها كلها بيظه
تعمل ايه عشان تنساه

مش عارف اقولك ايه
بس لو كانت نجحت فى مرة منهم كانت هتستفاد ايه ؟
هتجوزو كدة هى
ده حتى لو كان فيه فرصة انهم يتقابلو بع الموت كان هو ممكن يخش الجنة ومتشوفوش

عندك حق والله
بس لو فيها رخامه انت اسمك ايه عشان مش بعرف اتكلم مع حد معرفوش
لو ميضيقش يعنى

مقدرش افيدك فى موضوع انها تنساه ده خالص
بس لازم تعرف ان اد مهى بتحب الولد ده امها وابوها بيحبوها واكتر كمان
واكيد شايفين الموضوع من نظرة هى مش شايفاها
انا مش هقول ان حب النت غلط لان الحب قاعدة متغيرة وفيهاش ثوابت مهواش قانون رياضى ثابت 1+1 =2
بالعكس الحب ممكن يبقى 1+1 = 3 او 4
بس تقتل نفسها ليه تموت وتفقد كل نسبة .01% امل ليه

عمرو ^^

والله يا عمرو هيا وصل بيها الحال ان هياكانت هتتخطب
لواحد مش هقول مبتحبهوش ديه متعرفهوش اساسا

ساعتها هتخسر اجمل ما فيها
قلبها اللى حب وبقى سعيد
ولما خسر اللى حبه ومقدرش يوصله زعل وبدا يحلم انه يرجع لسعادة زى الاول
بس هى محتاجة تتتاكد بعقلها اذا كان اللى قلبها بيطلبه منها صح ولا غلط
لانها كانت ممكن تموت نفسها ومتشوفوش تانى للابد

lol all thats thing is very very funy thats goog all lol

what?

qu,est que?