اى حد عايز يعرف حاجه عن كليه الحقوق جامعه بنها

الله عليك يا محمد بجد انت عامل موضوع جاااااااااامد

انا كنت عاوز اعرف المكتبة فين فالكلية

على فكره انا مش قصدى كده انا عارفه انو الكليه مش مبانى بس انا عرفت انو مش قد كده خالص وقديم وناس كتير قالت حاجات تانيه على المكان بس ممكن اعرف المكان الجديد ده فين انا اعرف انو القديم عند نادى اسمه التجديف ممكن اعرف الجديد فين

المبنى الجديد
عند الموقف الجديد
وده موقف بنها العمومى
فى منطقه اسمها كفر سعد

على الرغم من انى معرفش الحته ديه بس على العموم انا متشكره

السلام عليكم ياشباب انا محمود زايد الفرقه الاولى لسه مقدمتشى عاوز اعرف منكم ايه الاوراق المطلوبه للكليه لانى خايف اروح بورق ناقص وعاوز اسال سوال هى المذاكره فى الكليه عامله ازاى من كتب ولا ايه بالظبط ياريت الى يقدر يفدنى يبعتلى على elkongolszayed@yahoo.com

محمود
ازيك ياواد
عامل ايه مبروك ع الكليه هتنور بنها والله
ع فكره بيت انا ومحمود من بلد واحده
وانت عارفنى وانا عرفاك كويس اوى اوى اوى
بس والله معرفش ان جتلك حقوق
الف مبروك


المهمانت كل شويه تشوفنى وعارفنى كويس
بس هسيب ذكائك يعرفك انا مين

متقليش يا كوكى انا ساسو ولسه برده جيالى حقوق بنها بس انا شوفتها للاسف
هى مش وحشه هى كويسه وكفايه اوى الناس اللى فيها ومتخافيش كلنا اخواتك

الله يبارك فيكى وربنا يخليكى على الرد الجميل بس على فكره انا والله معلشى انا اليومين دول مشغول اوى فى البيت وفى ظروف يمكن انتى عارفها بس بجد انا فخور بيكى وعاوز اعرف منك حاجه ممكن؟ ده الياهو بتاعى (elkongolszayed)ضفيه عندك عشن ابقى اكلمك من عليه.

وصحيح الف الف سلامع على سنانك انا هقولك على حل مياه وملح ودوبى الملح فى المياه واتمضمضى بيه وبأذن الله سنانك هتخف

محمود
لسه معرفتنيش
هههههههههههه
طيب بجد لازم تعرف انا مين لوحدك

ههههههههههههههههههههههه
كنت هزعل اوى لو قولت

اصلى عرفاه وكلمته كتيررررر ايام الثانوى
طيب هقولك نبهان بتاع تفهنا يفكرك
هههههههههههههههه

شوفت الفضايح
اكيد كده هتعرفنى

متشكره ياsasooوشكرا انا طمنتى وعلى رايك كفاية الناس اللى فيها

ويا ريت تشرفونا فى المسابقة الرمضانية اللى المنتدى عاملها فى القسم الدينى فى موضوع الخيمة الرمضانية وان شاء الله فى جوايز للمسابقة

لا انامكننتش خايفه منها بس سمعت كلام من ناس تانيه عن حقوق بنها بصراحه من كتر الكلام تخيلت انها مش كده خالص بس انا خلاص غيرت الفكره ديه عنها

هههههههههههههه على فكره يامها انا كنت عارف من اول لما شفتك على المنتدى بس قلت اسكت شويه لان محدش من البلد بنات فى كليه الحقوق الا انتى وتانى حاجه شات الموقع عرفت من عليه وشكرا ياعم ادهم صبرى ياعسل

هههههههههههههههههههههههههه
ازيك يامحمود عامل ايه ياجميل
بس هو فعلا مفيش فى حد فالبلد فحقوق غيرى فالفرقه الاولى
انما فى فباقى الفرق


المهم انت متقلقش
هيكون معاك هدايه ومحمدغانم واحمدسراج
هما معايا اه بس ابقه روح معاهم فالاول

بس مين تانى غيرك دخل من البلد

لا تقلق يا اخ محمود انا تحت امرك في اي شيء اخوك سالم من الفرقة الرابعة
لو احتجت اي حاجة مذكرات
ملخصات
ورق
معلومات عنالمواد
معلوماتعنالدكاترة
نظام الامتحانات
ولو عايزيناتوقلعك اسالة كمان
انا تحت امرك

انا الحمد لله ازيك انتى عامله ايه وعملتى ايه السنادى فى الحقوق ؟ الى داخل معايا محمد سعيد الى كان من دورك وهو مقدم فى الحربيه ربنا يسهله بس هو جيله حقوق بالنسبه لهدايا و محمد غانك احتمال اطلع معاهم اول يوم بس وبعد كده هما قالو هما مش هيطلعوا وانا هطلع مع مع نفسى

بالنسبه للخ سالم انا متشكر جدا اوى وربنا يخليك انا بأذن الله اول لما ادخل الكليه هحاول
اكلمك عشن اقبلك فى الكليه واتعرف بيك لانى بجد محتاج ليكم عشن طبعا انتو عارفيبن اول سنه عامله ازاى

محمدسعيد اه عرفاه كان معايا فالثانوى بس وقعت سنه منه وهو محترم جدا كويس تبقوا سوا

وانا نجحت فالكليه وطالعه تانيه
ومحمد وهدايا دول عيال كسلانه والله يتصلو بيا يقولولى هنطلع بكره اعملى حسابك واطلع انا واكلمهم يقولولى نايمين

واحمدسراج ده والله والله مدخلش الكليه غير مرتين

ركز انت مع نفسك ومتقلقش لو احتجت اى حاجه هتلاقينى معاك

ربنا يخليكى انا لقيت اخ جميل واخت اجمل هيسعدونى فى الكليه هما انتى والاخ سالم وانا بأذن الله هحاول اروح الكليه كل الايام مش هفوت ولا يوم

لالالالالالالا
فوت براحتك الكليه مش كل يوم هيكون 3 ايام بس فالاول

والدكتور الى تحس انك فاهم منه احضرله
الدكتور الى متفهمش منه ذاكر فالبيت بدال ماتيجى وتضيع اليوم فالهوا

ولو احتجت اى حاجه انت عارف البيت كويس
لو عايز مذكرات اى حاجه معايا
وياريت تحتفظ ببطاقة الترشيح هتحتاجها
لحد ماتطلع الكارنيه

ربنا يخليكى يمها انا مش عارف من غيرك كنت عملت ايه وانا متشكر جدا ليكى وانا باذن الله لو احتجت حاجه هبقى اكلمك او اجيلك البيت ؟ انتى معاكى ياهووووووووو ولا لا

معايا ياجميل هبقه ابعتهولك

يا اخ محمود
اتمنى منك ان تبتعد عن المذكرات نهائيا
المذكرات الصراحة
للناس الى دماغها رايقة
ومش عايزة تتعب
و المذكرة ان نجحت
تجيب مقبول
نادرا تجيب جيد
اذا كنت تريد ان تتفوق
فذاكر من الكتاب
و انا انشاء الله
هقف معاك جامد في اولى
هعلمك كل حاجة فيها كويس علشان تعرف تشق طريقك
انا تحت امرك يا حبيبي
لازم نساعد بعضينا كلنا علشان نبقى كويسين
ربنا يوفقك

هعلمك كل حاجة فيها كويس علشان تعرف تشق طريقك[quote]


يامحمود عشان تبقه كويس لازم تبعد عن الغرور
خليك متواضع وشق طريقك بنفسك لو مش عارف
انا ممكن اجيبلك سكينه

ظريفة يا قمر الليل
قلبي وقف من الضحك
كركركر كر
يا محمود ابدا والله
مش غرور بس انت لازم تسال و تستفسر علشان تعرف تعمل اية
و انا اما قلتلك هعلمك كل حاجة
كان قصدي
ازاي تذاكر
وازاي تلخص
و ازاي تقر تتوقع الاسئلة
اديلك خلفية علشان مسبكش تايهة في الكلية
و اعلم جيدا
ان ابن ادم لن يرى الجنة و في قلبة ذرة كبر
و ان احقر الناس عند الله من لا يتسامحون مع اخوانهم و اخواتهم المسلمين
لو زعلت من حد
صالحة و فهمة اية الى ضايقك منة
وكدة
و خليك لطيف مع الكل
و امشي مع الناس
اياك تتكبر على حد خالص
خليك متواضع
اخدم الناس كلهم
لان سيد القوم خادمهم كما قال النبي صلى ا لله علية و سلم
و لو انت شايف ان العبارة الى علقت عليها قمر الليل تكبر
انا اسف بعتذرلك اذا وصلتلك المعلومة دي
بس والله مكنتش اقصد اعمل معاك حاجة وحشة
انا اقص اني اقف جمبك اوي اعرفك كل حاجة في اولى
علشان تعرف ازاي تمشي في تانية و تالتة و رابعة
و حتة انك تعتمد على نفسك
انا موافق عليها
بس مش في الاول
سؤال
انت تعرف تجوز نفسك لوحدك ؟
انت تعرف تشتغل لوحدك ؟
تعرف تعيش لوحدك ؟
الانسان اجتماعي بطبعة
ويحتاج الى غيرة
و اعرف كويس يا محمود
كلمة ليك
ارسطو قال
ان الناس يبادلونك شعورك تجاهم
حب الناس علشان تحبك
و يا ريتك متكرهش حد
ولا تزعل من حد
ربنا معاك يا حبيبي

ظريفة يا قمر الليل
قلبي وقف من الضحك
كركركر كر

كل الى انت كاتبه لاتعليق عليهد

غير الكلمتين دول
انت عندى ولسانك يقف
ياريت عشان مش كل شويه هعمل خناقه معاك

هو في بيني و بينك حاجة شخصية لا سمح الله
انتي الى بتجري مشاكل اهو
انتي قلتي حاجة حلوة
وانا ضحكت عليها
هو الضحك اليومين دول غلط

عارف الحل معاك
انى اتجاهلك

وفعلا ده الى هيحصل

ربنا يسامحك
انا والدي و والدتي ربوني كويس
وقالولي
يا ابني
اوعى تتجاهل ح
علشان التجاهل كبرياء
اي شخص يندهلي يكلمني
اييلة مقامة
واحسسة انة وزير
لازم احترم الغير
وزيما هو بيكلمني
احترمة و اكلمة
شكرا ليكي يا مها
على فكرة
بكلامك دة والله العظيم انتي عايزة تثيري مشكلة تاني في المنتدى
علشان الناس الى هنا يفتكروني انا برضةاللى غلط
ربنا يسامحك
وربنا فوق و شاهدعليكي
اني مغلطتش معاكي خالص
لو انتي بجد انسانة محترمة
ومتربية
و عايزة تثبتي نفسك انك على يقين
قولي هنا
وعلى العامانا عملت اية علشان استاهل كل دة
والله العظيم يا ناس انا معرفش انا عملت اية
مرة واحدة لقتها قلبت عليا 180 درجة
واقسم بالله
اقسم بالله
لوحدها
من غير ما اعمل معاها حاجة
و كلمت في اليوم ة برضة محمد الشربيني وحش
انا معرفش في اية
لو حد عرف
يبقى يقولي ارجوكم

لا تعليق

و انا مش محتاج من حضرتك تعليق على كلامي
لان كلامي سهل و واضح
وباين لكل الناس
مش محتاج تكليف من حضرتك انك توجعي صوابعك علشان تكتبي

ربنا يهديك ياسالم
شكلك وحشك اوى خناقة اليومين الى فاتو
حابب تولع فالمنتدى خناقه جديده

لوانت عايز تتخانق
انا مش فاضيه دلوقت لخناقات وكلام فاضى
انا عندى فالبيت حاجات اهم من كده
سلام

يجماعه ايه الى انتو بتعملوا ده منفعشى كده والله انا مكسوف ليكوا بس انتا ياسالم غلطان فى حق قمر اليالى لان انت شتمتها وانا اعرف انك مش قصدك ويارت يجماعه انا اسف انى دخلت حد فى مسائلى انا كان لازم اعرف لوحدى واتعلم لوحدى وانا اسف ليكوا بجد انا مكسوف من نفسى وياريت تتاسفوا لبعض لانى كده مش ينفع
انتوا زمايل لازم تفوتوا لبعض والله انا بعمل مع زمايلى افظع من كده
ومحدش بيزعل
واسعيزوا بالله من الشيطان الرجيم
احنا دخلين على رمضان
ومشكور اوى

بجد انتواا
زوتوا الموضوع اوووى اوى اوى يجماعه ده مظهر عام لكل المتدى كل الى اقدر اقوله
لازم تحلوا الموضوع ده فى
اقرب وقت
لان كده انا والله كنت معتمد على ربنا ثم عليكم بعد كده والله ما هسال حد سال
انا اعرف بنفسى احسن

لا يامحمود عادى
انا وسالم واخدين ع كده
نتخانق ونتصالح
مش اخر الدنيا

بس صورة مين الى انت حاتطها

اكيد حكاية ان بنت من البلد تدخل نت يبقه لازم نقيم عليها الحد
ههههههههههههههههههههههههههه

شوف بقه انا هنا من بدرى وكمان مشرف عام ع المنتدى
عشان تعرف ان بنات البلد
مش للطبيخ وبس
لا احنا
بقينا
100100

هههههههههههههه انتوا اجدع ناس ومعلشى انا جديد على المنتدى وانا بجد فخور بيكى وايه يعنى بنت من البلد تدخل على النت لا ده عادى جدا بالنسبه ليا لادام النت بيفيدك

طيب تعالا فاخر الصفحه الرئيسيه
هتلاقى اخر حاجه علبة الدردشه اعمل دخول واشترك معانا

فين دى

فاخر الصفحه الرئيسيه زى شات كده

ماشى مكتوب علبه الدرشه والاعضاء الموجده فيه هو انتى وسالم بس مفيش دخول اجى ادخل يجيب بينتات انتى وسالم

هتلاقيها ع الشمال

هى عندى على اليمن ومفيش حاجها على الشمال انا دخلتها مره
بس مش فكر ادخل تانى منين انا افضل
الياهوو لاغايت لما اعرفها

السلام عليكم انا طالب سنه اولى في جامعة طنطا كلية الحقوق ومع الاسف صاقط في جميع المواد ماعادا حقوق الانسان والشريعه الاسلاميه مع اني كنت مجاوب على الاسئله زي الملخص بالضبط لازايد ولا ناقص بس مع الاسف فوجئت في النتيجه فعاوز اسئل اذا كانت جامعة بنها كويسه ولا زي طنطا والامور عندكم الواحد بيسلك خاصة اني مش من مصر انا اخوكم من الكويت وشكرا

بص يا سيدى الدراسه عندنا فى بنها
اسهل من جامعه طنطا
اللى انت كنت فيها
بس انت لازم تعرف حاجه
اى كليه فى الدنيا لازمها شويه مذاكره
يعنى ما ينفعش تقول ان انت هتنجح فى بنها
من غير ما تذاكر لازم تاخد فكره عن كل حاجه
انما بصفه عامه
الدراسه فى بنها اسهل