موضوع جميل جدا - فضفضة

اسمحلى ابدا ياصاحبى واسمحلى ابدا بحبى واسمحلى اكتب بخطى عن قصتى او وحدتى
تقدر تقول قصة قديمة ومن زمان كل اللى كان كنت فى مكان شفت القمر فحاولت افك عقدتى
معرفت اهرج واندمج وفى كل سلم انقلب وادخل خناقة وانضرب وفى كل فكرة اقوم وادوس وان جم قرايبى اقوم ابوس وساعتها ابين ضحكتى
لكن فى قلبى هموم كتير منها الصغير والكبير منها اللى سابنى فى شدتى واللى هرب من جرح قلبى اما بكى واللى صعبت عليه قوام يقعد ويسمع قصتى
كانت هناك بنت جميلة تنشر غسيلها فى الجنينة كنت فى مكانى بشوف اميرة قاعدة فى سلطتها الكبيرة فعاكستها وقلت يا...... واوام جريت لما لقيتها تقول بصوتها ياجدتىىىى
حبينا بعض فى يوم وليلة وبقينا قصة فى الف ليلة قصة امير عشق الاميرة كانت النهاية ياريت جميلة كانت نهاية فى سكتى
وفى يوم نويت اخرج معاها بس عشان اخرج معاها كان شرط استاذن باباها وكان محله على الطريق وقلت ماشى مافيها شىء وبرجلى رحت لفجاأتى
وواحنا بنعدى الطريق وطريقنا صافى وكل شىء وساعتها ربك كان يشىء انه ياخدها منى فوق وتموت حبيبتى جنب سوق زى ما ماتت عمتى
والميا قوام طفت شموعى والميا دى كانت دموعى والحزن كان بيسد جوعى ورجعت من قصة حبيبتى لضلمة تانى ووحدتى



سورى على النكد