ساعات الحقيقة الواقعية ممكن تولد احساس عكسى عنها
بمعنى ممكن اوى ابقى انا صادق لكن حاسس بالكذب
او انى اكون صريح فى التعامل لكن حاسس بالنفاق
ده ممكن
لكن فيه قاعدة ثابته هتكلم عنها
المخ لا يسعد نهائيا الا اذا كان منتصر
هسالك سؤال لو كنتى حبيتى فى يوم هل كنتى حاسة بالسعادة ولا بالتعاسة
ولو حاسة بالتعاسة الحب شىء اختيارى مش اجبارى وبدال انتى عملتيه يبقى انتى سعيدة بيه
عمر الواحد ميبقى سعيد بالهزيمة الا اذا كان مجنون او مش فاهم يعنى ايه هزيمة
وفى قوانين الرياضة بيقولو بما ان وانا بقولك بما ان كل الكلام اللى فوق ده اذن الحب انتصار مش هزيمة
مع تاكيد ان كلامى مع على العقل فقط ومش على القلب دلوقتى .
السؤال التانى تفتكرى لو الواحد دخل حجرة ما
ولقى مفيش فيها اكسجين ومش قادر يتنفس وتعب فيها
ولما خرج لقى الهواء برة اجمل ومليان اكسجين تفتكرى هيرجع للاوضة دى تانى ؟
الاجابة لا طبعا
طيب لو قلتلك ان اللى بيحب ده بيبقى عايز يشوف حبيبه او حبيبته كل لحظة وكل ثانية
لو قلتلك انه دايما عايز يبقى معاه
يبقى انهى كان التعب وانهى الراحة
اكيد اللى بنروحله وبنبقى عايزين نبقى فيه هو الراحة
وبما ان كل الكلام اللى فوق ده برده وكل حاجة اذن الحب راحة مش تعب
ياه ده مين ده اللى يبقى بيحب حد ومش واثق او حتى شاكك فيه دول هيبقو روح واحدة فى مكان واحد فى يوم من الايام
يستحيل يبقى فيه بين اتنين بيحبو بعض شك ممكن غيرة عصبية لكن شك يستحيل
مين قال ان الدموع والابتسامة نقيدين انا فى اسعد اوقاتى ببكى وفى اتعس اوقاتى ببتسم شفتى الجنان ده
بس والله ده حقيقى الدمعة ممكن تكون فرحة لما تنزل تسقى وردة او تطفى نار وومكن تبقى حزن وتنزل تحرق خد اللى بيدمعها
صدقينى الحب طول عمره انتصار وثقة وبسمة ودمعة وراحة ولو فيه شىء بيساوى ضعف وشك وتعب وهزيمة فصدقينى ده مش حب ده شىء محطوط تحت مسمى حب
لكن يالهوى بجد لو الحب بيساوى الحاجات السيئة جدا دى فالكره بيساوى ايه بقى ؟؟؟؟
الرئيسية
من طرف فيفى الإثنين سبتمبر 14, 2009 12:08 am
